gamersky

أعلنت سوني قبل شوي عن تعاون جديد مع خدمة الموسيقى المعروفة Spotify، وانها بتجيب الخدمة هذي لأجهزتها بلايستيشن 3 وبلايستيشن 4.

التطبيق بيكون اسمه PlayStation Music، والمتعاون الرئيسي في هالخدمة هو سبوتيفاي. الخدمة الجديدة هذي بتجي لواحد وأربعين دولة حول العالم، وبيتم زيادة العدد مع الوقت.

الرهيب في الموضوع ان الخدمة هذي بتمكّنك انك تسمع الموسيقى المفضلة لك وأنت تلعب (بلايستيشن 4 فقط). أخيرًا بيصير بامكانك تكتم الموسيقى حقّة اللعبة وتشغّل الموسيقى اللي تشوفها مناسبة لك. في حال ما عندك مستخدم في سبوتيفاي، فطريقة التسجيل – حسب كلام سوني- بتكون سهلة لانك بتستخدم نفس مستخدمك حق بلايستيشن.

تطبيق سبوتيفاي فيه أكثر من ثلاثين مليون أغنية، وأكثر من 1.5 مليار مجموعة أغاني مختارة (playlist).

كثير من الخدمات الموسيقية يكون فيها طريقة استخدام معقدة وصعبة، أما مع سبوتيفاي فالوضع مختلف تماماً. هذي من أشهر خدمات الموسيقى في العالم، وتقدم لك خدمات موسيقية ممتازة، لدرجة ان منافسينها الكبار مثل Apple و Google تأثروا فيها وصاروا ياخذون ميزات مشابهة لها ويضيفونها في تطبيقاتهم.

الخدمة بتكون متوفرة أولاً على بلايستيشن 3 و4، بعدها بتكون متوفرة على جوالات سوني Xperia.

بعد هالاعلان، أعلنت سوني برضه انها بتقفل خدمتها Music Unlimited (اللي مدري هل فيه أحد يستخدمها أصلاً أو لا). قرار منطقي بما انهم أعلنوا عن الخدمة الجديدة.

سوني ما أعلنت متى بيكون متوفر هذا التطبيق بالضبط، لكنه بيكون متوفر خلال الربيع القادم.

The post تجربتك مع بلايستيشن على وشك تتغير للأبد appeared first on Saudi Gamer - سعودي جيمر.